Tudu
ki naturéza da-m
É un prénda, un
gazadju:
Nha kor bronziadu,
nha kabélu bédju
El
podeba ser branku ô prétu,
El
podeba ser finu y bazadu,
El é
sima el é: nha naturéza.
Pur
isu N ta ama-l, é nha perténsa
Y ku Fernando Pessoa N ta proklama:
"Tudo é como é e assim é que é" (XXIII).
Y é si própi ki debe ser.
Y ku Fernando Pessoa N ta proklama:
"Tudo é como é e assim é que é" (XXIII).
Y é si própi ki debe ser.
Pur isu, N
prende ruspeta tudu rasa,
Tudu
kultura y tudu ralijon,
Tudu
téra y tudu povu
Pamodi
umanu sima es, nos é tudu igual.
Anton
Rasismu y
ejemonismu
Splorason y
diskriminason
Violénsia
y pirsigison
É ka
lei di naturéza, é razultadu di nos egoísmu.
Naturéza
ki “nihil fecit frustra”
Manda-nu
Covid 19 pa abri-nu odju
Mas
nu kontinua ségu y obstinadu.
Ka nhos
fla ma é ka si
Na
Mérka "demokrátiku”
Siridjuadu
piskós di George Floyd
Ti el
perde fólgu, ti ka pode raspira
Ti e
móre séku rusu. Paxénxa, nho!
Fórti nu ka
prende, inda, lison di Covid 19:
El ben, el ka diskrimina
branku nin prétu;
El ka popa riku,
nin póbri
El
da-nu lison di fraternidadi
El
mostra-nu kaminhu di solidariedadi
El
ensina-nu ruspeta tudu rasa, tudu ser umanu.
Infilismenti
Mórti frontadu di
George Floyd
El sa ta raklama
un nobu Covid 19.
Si
na skóla di umanismu nu ka sa ta prende
Pandemia
“letal” al rasusita-nu, un dia!
Óki kel-la kontise
Nu ta bira tudu
armun
Umanidadi
ta bira un família
Y
Apokalípse di Manuel d’Novas
Ta ganhaba sentidu:
“No ti ta vivê debóxe d’ameasa
D’un flajélu pa tude rasa
Mundu podia ser ote koza
Vida podia ser kor de róza
Si nos tudu podia djuntá mon
Ku Deus y amor na kurason”.
Praia, 7/6/2020
Manuel Veiga
Este comentário foi removido pelo autor.
ResponderEliminarGeorge Floyd móre trokadu violénsia di un polisial merkanu ki siridjs si juelhu riba piskós di vítima ti el dexa di raspira. Kel-li kontisi na dia 25/5/2020, na sidadi di Minneapolis, nos EUA. Asasinu foi kondenadu ku 40 anu di prizon.
ResponderEliminar