KRUZA KU BO FOI UN BENSON, UN PRÉNDA DI SÉU

Parabéns Fátima, pa es nobu Primavera!

Kruza ku bo, na nha kaminhu, foi un benson, un prénda di Séu.

Bu konpanhia, bu amizadi y konpanheirismu faze-m un ser diferenti.

Obrigadu Sinhor, obrigadu konpanheira di tudu óra y di midjór simentera.

Éra na abril 22, na primavéra, la di kelotu rubera. Un raspósta

vivu, kenti y elokuenti, surprende Pedrinhu di frénti y, na mésmu

instanti, nase un puéma diferenti:

DIVÉRA?!

Três anu N trabadja

Três dia N txora

Três noti N sunha

Trezi óra N korda

Na Janeru, béntu sopra

Na Febreru, boranku ronba

Na Marsu...

Sukuru fitxa

Txuba baza

Agu kóre

Gentis foga

(...)

N kuda fin di mundu.

Mas abril txiga

Pórta abri

Nébua spadja

Séu linpa

Y... nobu sol brilha.

Divéra?!

Ahn! É primavéra.

Ki beléza!, Ki sertéza
Ah! Ki kalor... y ki amor!

Manuel Veiga