TIAGO
– Nos Grandi DON y GRASA di SÉU
2012 foi un anu spesial: na planu
pesoal, profisional y familiar. N ka ta ngana ningen! Na un prosésu ki ka sô di
oxi, y ki, sertamenti, ta kontínua na futuru, N realiza un «upgrading» di
spiritualidadi, tamanhu sima Séu, profundu sima Mar. Provavelmenti, tudu algen
ka ta konsigi diskubri alkansi di es «upgrading». É un priviléjiu rezervadu
apénas pa kaminhantis di txeu azágua.
Foi nha purmeru «sélu di Morabéza
2012», na planu stritamenti pesoal. Ka foi sô kel-li, novidadi di 2012.
Profisionalmenti, N xinti realizadu na majistériu di nha língua matérnu, mas
tanbe ku kontributu na kriason di Kátedra Amílkar Kabral, na Uni-CV, un spasu
di invistigason y di promoson di konhisimentu.
Entritantu, nha «sélu morabéza
2012» más grandi kontisi ku nha família. Pa purmeru bês, mi ku nha mudjer - ki
konpleta ónti, 22 di Dizénbru, 33 anu di vida partilhadu, na amor y
konpanheirismu – nu sprimenta, na es 2012, un filisidadi y kontentamentu, sen
midida, di ser avó.
Si nómi é TIAGO – un omenájen pa
Santiagu, un promésa pa Kabuverdi. El é, suguramenti, nos «sélu morabéza 2012» más grandi y más signifikativu, na es anu di nos
33º aniversáriu konjugal. Obrigadu
Hélder ku Vanessa pa es DON y GRASA di nhos y di SÉU.
Sem comentários:
Enviar um comentário