Konstituison na Língua di Téra – St
(45)
Artigu 35º
(Prinsípius di prusésu
penal)
- Tudu arguídu ten prezunson di inosénsia ti tránzitu pa julgadu di senténsa kondenatóriu, y el debe ser julgadu na prazu más kurtu konpatível ku garantias di diféza.
- Pesoa ditidu ô konstituídu arguídu ka pode ser obrigadu presta diklarason sobri fákutus ki el atribuídu.
- Arguídu ten direitu di skodje livrimenti si difensor pa asisti-l na tudu atus di prosésu.
- Difensor debe ser adivogadu y arguídu pode, na falta di el, ser asistidu pa kualker otu pesoa di si livri skódja, ixsétu na kazus ki, pa lei, patrosíniu debe ser izersedu pa adivogadu.
- Pa arguídus ki, trokadu razons ikonómiku, ka pode paga adivogadu el ta ser difendidu, através di institutus própriu, vokasionadu pa asisténsiajudisiáriu
- Prosésu penal ten strutura bazikamenti akuzatóriu, y atus di instruson ki lei ta ditermina, sima akuzason, audiénsia di julgamentu y rekursu, ta fika submitidu na prinsípiu di kontraditóriu.
- Diretus di audénsia y di diféza na prosésu kriminal ô na kualker otu prosésu sansionatóriu, ku inkluzon di direitu di asésu di próvas di akuzason, di garantias kóntra atus ô omisons prosesual ki ta afeta si direitus, liberdadis y garantia, y inda direitu di rekursu, é inviolável y es é aseguradu pa tudu arguídu.
- Ta fika sen valor tudu próva konsigidu através di tortura, kuason, ofénsa na intigridadi fíziku ô moral, abuzivu intromison na koruspondénsia, na telekumunikasons, na domisíliu (kaza partikular) ô na vida privadu ô pa otus meius proibidu.
- Audiénsias na posésu kriminal é públiku, exsétu óki diféza di intimidadi pesoal, familiar ô sosial ditermina skluzon ô restrison di publisidadi.
- Ninhun kauza ka pode ser subtraídu di tribunal óki si konpiténsia sta fikisadu na lei antirior.
Sem comentários:
Enviar um comentário