Nha Vótu 2018:

Anu Bon, Fésta Nhaku,

Ku Suguransa y Inkluzon,

Ku Saúdi y Sinplisidadi.

Sinplisidadi di vida y na vida é txabi di lus, di pas y armonia

 Nundi ta reina sinplisidadi, ka pode ten egoismu, nen ódio

Nen invéja, remorsu, ô jogu xuxu

 Nen kanbalaxu, fraudi, ô injustisa

Nen violénsia, splorason, angústia, ô skluzon.

 Anton,

Nha dizeju más profundu é:

Filisidadi na sinplisidadi

Pa tudu nhas família,

Pa tudu nhas amigu

Pa tudu nhas patrísiu

Pa tudu ser umanu, nhas armun.