DIA DO PROFESSOR CABOVERDIANO

HOMENAGEM E RECONHECIMENTO

Hoje, 23/4/2020, dia do Professor Caboverdiano, gostaria de prestar a minha melhor homenagem e manifestar o meu grande reconhecimento a todas e a todos que, como eu abraçaram, com profissionalismo e dedicação, esta nobre missão de transmitir conhecimento; a todos os que foram e continuam sendo meus mestres, nos bancos da escola ou na universidade da vida.

Gostaria, ainda, de dirigir uma palavravra muito carinhosa às professoras e professores do ensino piloto bilingue. E se os aplaudo é porque foram acarinhados e distinguidos pelos seus alunos e repetivos pais e encarregados de educação, mas hostilizados, marginalizados e destituídos pelo atual sistema oficial de ensino.

Podem acreditar que, assim como resistimos a todas as estiagens, a todas as epidemias, nomeadamente o COVID 19, vamos também resistir e vencer a epidemia da ignorância e da alienação.

Faço votos para que o doloroso magistério do COVID 19 exerça uma eficaz pedagogia sobre os que querem continuar cegos porque a luz mexe com a sua Zona de conforto e posição de dominação.

VIVA O DIA DO PROFESSOR CABOVERDIANO!
VIVA O MAGISTÉRIO GLOBAL!
VIVA O ENSINO NA LÍNGUA MATERNA!

Manuel Veiga, 23/4/2020

LEMBRANDO O 25 DE ABRIL DE 1974

Com o Testamento de Agostinho:

Quero que a minha morte seja semente de vida

“Alguns anos de intenso combate tinham passado quando o nosso Agostinho, de regresso de uma emboscada que provocou muitas baixas ao inimigo, foi vítima de uma mina assassina que o projetou nos ares, tendo permanecido inconsciente durante algum tempo. Acabaria no entanto por recuperar os sentidos, mas o seu estado era grave e sabia que o seu fim se aproximava. Com a pouca força que lhe restava, abriu a mochila, tirou um radiozinho que o acompanhava sempre e sintonizou-o. Atónito, ficou imaginando a notícia que acabara de receber: a força alisiana tinha caído e a ‘revolução das flores’ tinha sido um sucesso, lá pelas bandas de Goltarpu.
 

Agostinho sabia que a sua morte se aproximava, a passos largos. Deixou o aparelho de lado e pegou numa folha de papel para redigir o seu testamento e registar o seu último desejo: – Quero que a minha morte seja semente de vida. Quero que o meu sangue purifique séculos de dor e de sofrimento que mar­tirizaram o meu povo e sacrificaram a minha geração. Espero que as armas se transformem em canetas da paz; que os campos de batalha se convertam em campos para a sementeira; que cada criança da minha martirizada terra tenha o que os meus antepassados, os meus condiscípulos e eu não tivemos: o direito à dignidade, à liberdade, à cidadania, à justiça social...

E se espero que tudo isto aconteça é porque acredito nas proféticas palavras do Abel: ‘...Minha preta formosa.../ a vida que vives não tarda a findar...’

Ainda um último desejo: sobre a minha sepultura quero que se plante um ramo de cravo,  não o vermelho da ‘revolução’, mas o branco da paz, da fraternidade e da dignidade” (Cf. VEIGA Manuel (1997). Diário das Ilhas, p. 230-231).

PS:

Neste 25 de Abril de 2020, gostaria não só de homenagear os combatentes da Liberdade da Pátria pelo contributo que deram à essa Festa da Liberdade, mas também aos capitães de Abril, e a todos os antifascistas portugueses, nomeadamente o poeta Manuel Alegre, por quem nutro uma grande admiração.

Foi ele que no simpósio Continuar Cabral, de 1983, declarara, falando do assassinato de A. Cabral:

“…Não foi só o vosso povo que perdeu um líder, não foi só a África que ficou mais pobre; foi também Portugal que perdeu um amigo. Por isso, para muitos de nós, para mim, pelo menos, o 25 de Abril foi uma festa incompleta: faltou-lhe a presença de Amílcar Cabral para festejar connosco uma vitória para a qual, em meu entender, contribuiu de modo determinante”.

Não me esqueço que na década de 1990, eu, a Dra. Dulce Duarte e o poeta Manuel Alegre fazíamos parte de uma delegação cultural que deveria participar num evento literário, em Estocolmo. Eu e a Dra. Dulce tínhamos um bilhete na classe económica e Manuel Alegre na 1ª classe. Tendo este tomado conhecimento da situação recusou viajar separado dos outros membros da delegação. Foi assim que todos nós viajamos na 1ª classe graças ao prestígio de Manuel Alegre, com um bilhete da classe económica.

   

                                                                                                                                                                 

“KABUVERDI  DI  SPERANSA”

Ka mi ki fla, artista ki kanta:

“Nos Kabuverdi di speransa”

Nu djunta mon, nu leba-l pa dianti

Ka ten ninhun COVIC más fórti ki nos

Nos stória foi sénpri si

Óra dretu, óra mariadu

Speransa tioxi ka falta-nu

Nu ka skese djunta mon.

Na séka ku stiájen, nu luta, nu ganha

Na duminason-splorason, disididu, nu razisti

Na pandemia, nu sa ta trisa, nu ta vense

Si nu ara kaminhu, nu ta muda di rumu

Si nu sta konfianti y diterminadu

É pamodi “nos speransa ten kor di fodjada”

Nu ka inventa nada, puéta ki skrebe

Ónti y oji foi si, manhan k’al ser diferenti:

Nos sonhu ten ki realiza, nos téra ten ki liberta

Nos povu ten ki skese pandemia y sai di konfinamentu

Turismu ta rakomesa ku más forsa

Enprégu ta omenta y ta diversifika

Studantis ta ratoma banku di skóla y di universidadi
Artistas, inspiradu y motivadu, ta torna subi palku

Enprezárius ta multiplika volumi di nogósiu

Guvérnu ta  invisti más na justisa, saúdi, investigason y idukason

Sosiedadi, más saudável y kualifikadu, ta bira más filís

Kresimentu ta omenta, dizenvolvimentu ta spadja

Kabuverdi di speransa ta bira un vivénsia, un sertéza.

E ka mi so ki sunha y pensa si!

Artista dja kantaba y pueta dja skrebeba:

“Nos Kabuverdi di speransa” nu ten ki djunta mon

Na fartura ô karastia,“Nos speransa ten kor di fodjada”

Anton, nha sonhu ka fantazia y ku Kabral, N ta ratunba
Mansinhu y konpasadu, sima raki-raki  na pedregal:

“Venha comigo, Mamãe Velha, venha,

Recobre a força  e chegue ao portão.

A chuva amiga já falou mantenha

E bate dentro do meu coração!”

Manuel Veiga

17/4/2020

Nha Fé

(Djuntu, nu ta vense, nu ten ki vense COVID 19)

“N ten fé ma nha Téra, ki dja vense txeu tirsidjadura, y grandis batalha di dizenvolvimentu, ta vense, tanbe, dizafiu di kualidadi di vida y di inkluzon sosial. Kabuverdi – di Santu Anton ti txiga na Djabraba; di Pik’ Ntóni kanba Monti Kara; di Birianda pasa pa Monti Gordu;  di Vulkon di Djarfogu ti Santa Mónika; di Djarmai soti na Santa Maria – dja dizenvolve, sa ta dizenvolve, manenti-bai.  Entritantu, nos anbison y nos vizon di dizenvolvimentu ka ta kebe na jeografia stretu di nos ilha y di nos arkipélagu. Más di ki jeografia di ilha, nu kre kontinenti; más ki kontinenti, nu kre jeografia di mundu; más ki mundu, nu kre un dizenvolvimentu di tamanhu di univérsu. Nos fómi di un vida midjór, di djustisa y di konhisimentu inkluzivu, ka ten midida, ka ten frontera.

Nos grandi puéta di kriolidadi, Ovídio Martins, dja flaba y nu ka pode disfla: ‘Nos distinu nu sa ta kunpri: da Kabuverdi otu mar/ otu séu,/ otu ómi.// … Divagar rakonstruson nasional sa ta avansa. Di ilha pa ilha.// Ku dór y na dór. Ku amor y pa amor’. Na es movimentu di bai sénpri pa dianti,  ku odju na séu y na más  kualidadi di vida, N ten fé ma, di ilha pa ilha, enpregu ta omenta, idukason ta globaliza y ta kualifika más, violénsia ta dismantxa y ta dizaparse, trafikantis di dróga ta perde enpregu, abitason kondignu ta bira un direitu inalinável di tudu algen, agu ku eletrisidadi ta pasa ta ser produtu di sportason, info-skluzon ta kaba, kanpanhas eleitoral ta perde sentidu, puder ta transforma na un mison di fraternidadi, korupson na mar di kanal y  más alén na kelotu banda ta perde géra, produson di bens y di konhisimentu ta omenta y ta diversifika,  ses distribuison ta ekilibra y ta umaniza” [1].

Nha Fé ta leba-m kridita, inda, ma nha povu ki dja da prova di vense txeu tirsidjadura, el ta vense, sertamenti, es MALDITU COVID 19.

Forsa, nha POVU; forsa Guvérnu; forsa profisionais di Saúdi y di Suguransa, forsa Voluntárius di pás y di solidariedade.

DJUNTU  NU  TA  VENSE,  NU  TEN  PA  VENSE !

---

[1] (Cf. VEIGA Manue, 2019, Formação de Crioulo – Matrizes Originárias:427). 

SABEDORIA

É un triángulu  purfetu, sima pédra fogon:

LUS, VERDADI, VIRTUDIS

Tres amor gémia, si un fadja, kónta ka da

Un ta ilumina, otu ta identifika, kelotu ta moraliza

Es tudu tres ta forma un melodia, sábi pa frónta

Es ta tonifika alma, es ta vivifika vida

É ka faxi atxa-s djuntadu, brutxidu na kunpanheru

So un sábiu y filózofu ten txabi di ses segredu

Es ten inimigu, txeu, ka poku :

Violénsia, injustisa y skluzon

Splorason, duminason, diskriminason

Dizigualdadi, inverdadi, imoralidadi

Sima sta, ka pode kontínua

Sosiedadi ten ki rajanera, mundu ten ki konpu

É prisizu ki LUS pasa ta ilumina Umanidadi

É nisisáriu ki VERDADI reina na tudu kusa

Nu meste pa VIRTUDI ser un vivénsia universal

Di otu fórma, umanidadi ka ta kunpri si mison

Vida ta bira un pandemia mortal y jeneralizadu

Vasina so pode ser LUS, VERDADI Y  VIRTUDI

Kuradu y imunizadu so ku vive y pratika SABEDORIA

Na korenténa prolongadu y oksijenadu

Umanidadi diskubri LUS na altu Piku-Ntóni

Diterminadu, el kóre tras di VERDADI, ti e serta ku el

Disididu, el razolve pratika VITUDI, ti midida intxi

Dirapenti, el xinti SABEDORIA ta bati na si pórta

Vilénsia, injustisa y skluzon sai-l di kaminhu

Splorason, duminason y diskriminason foga na mar

Dizigualdadi, inverdadi y imoralidade kema na lumi

Radianti y gardisidu, dianti di NATURÉZA, el rasa un ORASON :

Di oji, endianti, LUS, VERDADI y VIRTUDI es ta ser nh’ Anju-da-Guarda

Azágua di SABEDORIA, tud’óra, tudu ténpu, tudu naser y kanbar-di-sol

Y si kel-la kontise, N ta bira un SÁBIU, un UN SER UMANU DI VERDADI

N ta raforsa sidadania, N ta kunpri nha mison, UMANIDADI ta ganha pontu.

VIVA SABEDORIA!

LUS, VERDADI  Y  VIRTUDI  RIBA  LA !

VÍSIU Y IMORALIDADI NA TXON, SEN  PODE  RASPIRA!

                                                                            
                                                                                                   Manuel Veiga
                                                                                                      15/04/2020

LABRADOR  DI  NHA  RUBERA

Ku nxada, nkunhadu, riba d’ónbru

Kalsa, ramangadu, baxu-l duedju

Bóina bédju, pa tadja sol

Anti-l maxe, róstu pa kanpu

Ku fé n’azágua ser fadjadu

Fórti, dja N kre-bu txeu

Lavrador di nha kutélu!

Ku fé na txuba, medu-l stiájen

Bu djunta mon, trabadju avansa

Na sol, na txuba, kontu ka ten

Si ka da txeu, ku poku bu ta konsola

Dia ta sai, anu ta entra, un tras d'otu

Ngarnel, óra subi, óra dixi, unbês-bai

Bu feramenta, nxada agudu ku bóka largu

Bu pónta txon, lugar di santxu ku pelada

Si spiga ka ganha, padja limária ta ten

Ku Diós ô Naturéza, flipa ka meste

Fé y speransa é midjór kaminhu

Ganha “parada”, ka so ku reziliénsia

Dja txiga óra moderniza y industrializa

Ku txon modjadu, midju ta nase

Ku mónda y ramónda, sapatinha ta flora

Sen stiájen, bolonbolu  ngrosa kabésa

Azágua korenti, rakunpénsa bu sforsu

Kodjéta fadjadu so na vólta d’anu

Bu al "subi Riba pa kóre papel”

Noiba na séntu, fogeti na ar

Sábi ta djondja, batuku ta rapika

Ku amigus y bizinhus tudu rodiadu

Morgedjadu, noivus fuxi, kanba kutétu
Stá na óra  ba da kónta di ses nobu.

Labrador di nha kutélu bo é filís

Ku txeu ô poku, konsoladu y gardisedu

Fórti txeu, dja N kre-bu txeu, sima bilida di nh’odju

Kabuverdi ta agradise-u, ta insentiva-u

Réga, góta-góta, pa-u popa agu

Ka-u fuxi pa sidadi, nin pa Sul-a-baxu

Invisti na agrikultura y pekuária enprezarial

É midjor ki fuma padjinha ô pidi sumóla na béku-l rua.

Labra txon y kria limária, ta da-u susténtu, uni família

Sen violénsia nin kasubódi; sen dór di bai, sodadi-l volta

Ka bu skese da fidju skóla, y transmiti-l valoris

Si el ka da agrikultor, e pode ser agónomu, sima Kabral

Si el ka ser médiku, el pode da injinheru ô otu tékniku

Tudu profison é inportanti; tudu trabadju ta dignifika

Labrador di nha téra:

Sen bu trabadju, nha méza éra más póbri

Sen bu fé y razilénsia, nha povu fépu ta nafragá

Sen  armonia y ekílibriu, nu staba tudu dixanxabidu

Konhisimentu ka so na skóla y universidadi

Na kanpu me, tanbe, sabedoria ten, fartura izisti

Obrigadu, mésmu, labrador di nha téra!

Trokadu bo, nha téra k'é más skalabradu

 Kridita: dimé-divéra, N ta ama-u, N kre-u txeu!

Manuel Veiga

13/4/2020

PRÓZA  KUIDADU

N ka puéta, ka nhos fronta-m

Próza kuidadu N sabe fase

N ta rabiska, testu nase

Skulpi vérsu, inda, ka pa mi 

Fórma skodjedu fasilita-m majistériu

Si algun dia N fika inspiradu

Y si Minérva nprista-m si “estro”

Pa nhos tudu, N ta skrebe un puéma

Rei di kontenti, N ta gardise es don

Óki noti manxe dia

Óki  n’orizonti ponta sol

Óki txuba baza na txon

Spiga ta ganha na  nha merada

Nsodadu, nha próza ta transfigura

Nha sintási ta ganha fórma

Nha palavra ta bira vérsu

Si aróma ta forma un puéma

Ti txiga na es éden di sonhu

E pa N ka kansa di subi monti

Pa N ka tonba di rótxa runhu

Pa N ba ta bebe agu di fonti

Si Minérva ka aprova-m na izami

So ta resta-m rabiska testu

Konsola ku nha próza kuidadu

Sen fika máguadu nen angustiadu.

Kada un di nos, sima nos é

Nos identidadi, nos verdadi

Sabedoria, konxe nos kabésa

Sidadania, spresa-l  ku sinseridadi

Na próza kuidadu, sima na vérsu trabadjadu.

Nhos pode kridita:

Si  d'un dia pa otu, N disidi rabisba tantu, si

Na nha língua matérnu, ka na otu idióma

É sinplismenti pa prova m'e ta sirbi

Pa formalidadi y informalidadidi

Pa brinka ô  komunika un verdadi

Pa veikula siénsia, kultura ô kualker kanpu d’arti.

Manuel Veiga

12/4/2020

NADA

Páskua sufridu

COVID nutridu

Vida distruídu

Planéta konstranjidu

                        Mórti bira ka nada

Mondon fépu nafragadu

Nasons tudu tirsidjadu

N kre  umanidadi rasusitadu

Konfinadu sen prazer di nada

Nen na mar N ka pode nada

Pulísia djuntadu fla-m ma nãu

N ka ta buska rabenkada

                        Inspirason kaba na nada

                        Palavras perde sentidu

                        Sintasi fase grévi

                        Poezia  fika lébi

É midjór N ka skrebe nada

COVID ki ben, ta bai si kaminhu

Nobu Páskua al kema si spinhu

Otu vida ta labanta di ninhu

                        Dipôs di purgatóriu, Paraízu é sértu

Na es momentu, inférnu pa tudu banda

Abensuadu gentis di Fé y Speransa

Paxon tamanhu, Séu di eransa

Páskua ka pode engana

Rasureison, si naturéza

Anton, mórti ka nada 

Vida ta triunfa sénpri

                        Bíblia ka ta ngana

                        Nu kúnfia, nu vive dretu

Ka nu skese Mórti-pasájen

Nen di Vida  gazadju-bénsu

Si kel-la  nu konsigi

Inspirason ta torna ben

Palvra y sintasi ta rakonsília

Poezia  ta nase linpu

Mórti ta dixi inférnu

Vida ta alkansa Séu

Kada galu na si puleru

Kada un ku si azágua

Sen nkrénka kifari mágua.

KAVERDI  NHA  KAZA

UNIVÉRSU  NHA MUNDU[1]

Nha naturéza

É banku ku prétu stramadu na kunpanheru

É Nórti ku Sul nbrasadu y solidáriu

É umanu, animal y vegetal, entr’es ta djunta mon

É material, mineral y astral ta sirbi umanidadi

É ambiental, spiritual y selestial ta djobe pontu di ekilíbriu

É subi ku dixi ladera, ta fandata justisa y sabedoria

É jornada kunpridu y disgetós ta baskudja serenidadi.

Na mininénsia y adolesénsia

Skóla ofisial konta-m kasí, N pensa éra si

Es fla-m, N kuda verdadi, ma Kabuverdi k’ Áfrika.

Na juventudi, kusas stranhu nbrudja-m stangu, maria-m kabésa

Dúvida, txeu ka poku, obriga-m fandata undi staba verdadi

N subi Nórti, N dixi Sul, N trabesa Lésti ku Oésti preokupadu

Diversiddadi mostra-m kaminhu di fonti, undi agu ká sabodjadu

N bebe ti N basta sedi, la me N diskubri nha singularidadi:

Kabuverdianu-afrikanu, pó di téra, sidadon di mundu.

É trokadu kel-li ki mi é kriolu-afrikanu-transnasional

Y  afirmason di ex-Pr. Senghor, foi pa mi un lus na Praia dizértu:

“ Le Future de la civilisation est créole”.

Ta kontise ki nha Téra nase kriolu, globalizadu

Dili  ki, pa nos  kriolu, sivilizason di futuru, já  é oji

Infilismenti, propaganda rasista, na 5 azágua, sén bes kontadu

El ben ku si majistériu di spadja Fé y uni Inpériu.

El dispreza língua ku tradison di Téra, si Inu ku bandera el inpo-nu

Ku konsiénsa sakedu na petu, nha povu luta

Txeu gentis móre di fómi, na prizon ô na géra

Mas, nos bandera nu tinha ki finka, nos Inu nu tinha ki kanta

É si ki Liberdadi nase radiante y bisós, na azágua di 1975

“ Déntu  sol ka ta murutxa, déntu d’ agu ta da rabénta”.

Kel-li, própi, ki é nha naturéza, kran ka sukundidu

Kuzinhadu y tenpradu na djagasida di Nórti ku Sul

Labadu y karixadu na agu di nha rubera, na mar di imensidadi

Ttrokadu kel-li, Kabuverdi é nha Kaza; Univérsu é nha Mundu.

Kredu ô ka kredu, tudu pabia ten pamodi

Si bu ka kre si, suguramenti, bu jornada, inda, sta na pé di subida,

Un dia bu al sai txada, bu al diskubri ma “dja, ka ta disdja” :

 Móna ku Cidade Velha dja é Patrimóniu di Umanidadi.

                                                                                  Manuel Veiga

                                                                                     10/04/2020

---

[1] Omenájen pa Luana, nha netinha ki, ku 4 anu, di féria na Mindélu, maravilhada ku movimentus di sidadi, el volta pa si mãi, el fla-l: Praia, nha Kaza; S. Visenti, nha Mundu!