DOTORADU ANALFABÉTU
UN BRINKADERA PEDAGÓJIKU
El
nase y el kria na banhu di si língua matérnu
Nen si
mai, nen si pai ka sabeba lé nen skrebe
Txiku,
spértu ki nin ratu di grexa, el ba skóla ofisial.
La,
el nxinadu na purtugês, na inglês ku na fransês…
Kultura
di si própi povu, nen fumu, nen mandadu
Razon:
“kultura y língua di kafris y ignorantis” ka ten direitu di sidadania:
Es é
“un atentadu pa unidade di Inpériu” y pa koezon nasional
Es
ka ta sirbi nin pa arti, kifari pa siénsia
« Es ka ta leba-nu pa ninhun
lugar”
Nin mésmu na "mala di emigranti", kifari na melodia di nos artistas
Nin mésmu na "mala di emigranti", kifari na melodia di nos artistas
Midjór, inda, é dexa-s tufudjadu,
so na oralidadi.
Txiku
spértu, segamenti, el kridita na propaganda rasista.
Ku
kada bes más diterminason, el studa “línguas di sivilizon”
Na “primária”
ku distinson, el termina liseu ku lovor y na kuadru d’ónra
Na Universidadi,
el subi digrau pa digrau, ti diféza di si tézi.
Profisional
konpitenti y didikadu na kulturas y línguas stranjeru
El
éra un analfabétu na si língua matérnu
Sen prende lé ku
skrebe, sen konxe si alfabétu ku gramátika
El konklui ma kriolu ka ta sirbi nin pa arti, nin pa siénsia.
Karanba, nho!,
Fórti nhu Dotor
Analfabétu kai runhu, di kaminhu pa baxu !?
Módi
ki un analfabétu, iletradu, pode skrebe un tratadu di siénsia!?
Kel-li,
é ka un partikularidadi so di ken ki ka studa kriolu
Tudu
analfabétu, na língua k’infor, é inkapás
di kel-la
Kulpadu
é ka língua, é si diskonhisimentu
Anton, kriolu pode
sirbi, sin, pa siénsia y pa arti
Pa kel-la, nu ten
ki studa-l, nu ten ki prende-l y pratika-l
Y
nhu Dotor Analfabétu, ómi sabidu, ka nosenti
Sertamenti,
si e studa-l y e pratika-l, sima na rasta nguka
Na
el e pode diploma, ti bira dotoradu, pamodi
el é ka djolokani
Y di kel-la, dja el da prova, txeu ka poku,
nos tudu dja nu sabe-l.
Manuel Veiga
4/4/2020
(Na kuarenténa di Covid 19)
Sem comentários:
Enviar um comentário