Sobri uzu di diakrítikus na kriolu, N ruspondi un interpelason di Marciano Moreira ku es observason-li:
Prezadu Marciano: Uzu di diakrítiku na kriolu ten pertinénsia ( é más korétu fla diakrítiku pamodi tudu palavra ten si asentu tóniku, mésmu ki ka splísitu). Es pertinénsia nu ta verifika-l na izisténsia di paris mínimu sima: pa/pá; ku/kú; ta/ tá (na Barlavéntu). Es pertinénsia nu ta atxa-l inda... na distinson di palvras sima: mama/mamá; papa/papá; pais/país; seti/séti; konta/kónta; ponta/pónta; fala/ falá; dansa/dansá; kezinha/kezinhá. Linguístikamenti, uzu di diakrítiku é un "escolha pertinente". Na linguístika, "pertinénsia" é un régra di oru. Aliás, é "pertinénsia"ki ta fase alfabétu fonolójiku ser más akonselhável ki alfabétu di bazi etimolójiku. Na es aspétu, tudu linguísta sta ô debe sta di akordu. Kel-li é un argumentu sufisienti pamodi nu uza diakrítiku. Nu meste fla inda ma, na txeu aspétu, diakrítiku ta djuda-nu diskubri faxi, sílaba tóniku y si naturéza vokáliku. Entritantu, nu meste pondera tudu vantájen y tudu disvantájen ki ten na uzu di diakrítiku. Y kel-li ka pode razulta di opinion di A ô di B. Ten ki ser frutu di un trabdju di invistigason undi debe fika klaru pézu di vantájen y pézu di disvantájen. Ti la, nu dexa ken ki ta uza diakrítiku ku régras y nórmas (splísitu) fase, livrimenti, es uzu. Y ken tanbe ki ka ta uza diakrítiku ser livri di ka uza-l. Padronizason di skrita, un dia, ta ben indikadi midjór kaminhu. Y na es padronizason, nu ka meste ten présa.
Prezadu Marciano: Uzu di diakrítiku na kriolu ten pertinénsia ( é más korétu fla diakrítiku pamodi tudu palavra ten si asentu tóniku, mésmu ki ka splísitu). Es pertinénsia nu ta verifika-l na izisténsia di paris mínimu sima: pa/pá; ku/kú; ta/ tá (na Barlavéntu). Es pertinénsia nu ta atxa-l inda... na distinson di palvras sima: mama/mamá; papa/papá; pais/país; seti/séti; konta/kónta; ponta/pónta; fala/ falá; dansa/dansá; kezinha/kezinhá. Linguístikamenti, uzu di diakrítiku é un "escolha pertinente". Na linguístika, "pertinénsia" é un régra di oru. Aliás, é "pertinénsia"ki ta fase alfabétu fonolójiku ser más akonselhável ki alfabétu di bazi etimolójiku. Na es aspétu, tudu linguísta sta ô debe sta di akordu. Kel-li é un argumentu sufisienti pamodi nu uza diakrítiku. Nu meste fla inda ma, na txeu aspétu, diakrítiku ta djuda-nu diskubri faxi, sílaba tóniku y si naturéza vokáliku. Entritantu, nu meste pondera tudu vantájen y tudu disvantájen ki ten na uzu di diakrítiku. Y kel-li ka pode razulta di opinion di A ô di B. Ten ki ser frutu di un trabdju di invistigason undi debe fika klaru pézu di vantájen y pézu di disvantájen. Ti la, nu dexa ken ki ta uza diakrítiku ku régras y nórmas (splísitu) fase, livrimenti, es uzu. Y ken tanbe ki ka ta uza diakrítiku ser livri di ka uza-l. Padronizason di skrita, un dia, ta ben indikadi midjór kaminhu. Y na es padronizason, nu ka meste ten présa.
Uzu di diakrítiku pode djuda ivita diskriolizason. Na verdadi, si nu skrebe: "morabéza, sertéza, purtugéza, bóka" nu ta afasta tentason di pronunsia-s ku fonétika purtugês: "mobabeza, certeza, portuguesa, boca".
ResponderEliminar