PENSAMENTU 2

 

Obrigadu Sinhor pa tudu ki oxi mi é: pa vida, pa família, pa trabadju, pa konhisimentu, pa amigus.

Obrigadu tanbe pa tudu kenha ki N kruza ku el na kaminhu di LUS: profesoris, kolégas di trabadju, kunpanherus di luta, pesoas na rua ki ku mi troka un sorizu, un olhar ô un pensamentu pozitivu.

 Obrigadu Sinhor pa tudu kusas ki N atxa, ki N dadu ô ki N konkista na vida.

Obrigadu Sinhor pa amor ki N da y ki N resebe, pa partilha ki N fase y ki fasedu ku mi; pa kumida ki  N  kume y pa agu ki N bebe.

Obrigadu pa tudu kenha ki ta raprizenta algun utilidadi pa mi: profesoris, konsedjerus, skritoris, artistas, labradoris, piskadoris, pedrerus, pintoris, arkitétus, enjinherus, enpregadas di lar.

Obrigadu pa tudu, Sinhor, mas sobritudu obrigadu pa nha mãi ku nha  pai,  pa nha mudjer y nhas fidju, pa nhas nétu, pa nhas armun y tudu família di sangi y di adoson.

Obrigadu inda pa lus di sól, pa beléza di séu streladu, pa grandéza di mar, pa freskura di ar na atimosféra.

Y si Téra, Mar y Séu abri-m ses brasu, mi tanbe N kre abri-nhos nha KURASON.

Obrigadu Sinhor, N ka krê  fadja es konprromisu.

Facebook de 16/06/2021