Y SI N PODEBA ...

 

 

Na es kanpanha pa Lejislativa (di 18 di Abril 2021) ki komesa oji, nha mensájen di fraternidadi y solidariedadi  ku nha povu é di tamanhu di mundu. Pur isu ta sérba bon ki tudu partidu konkorenti pensa na sonhu-aspirason ki un dia Ali-Ben-Ténpu diklara dianti di si povu:

“Y si N podeba…

 

Rabida téra pa diparbésa

Transforma kurason di ómi

Trabadja onestamenti

Ama nha armun

Konkista liberdadi

Mundu ta sérba otu

Justisa ta renaba sénpri.

 

Y si N podeba…

 

Viaja pa mundu

Dinúnsia demagogus

Liberta oprimidus

Kaba ku tiranus

Seta nasionalidadis

Símia fratrnidadi

Mundu ta dimira-m

N ta sérba ravolusionáriu.

 

Y si N podeba…

 

Ser sima mi é

Ruspeta diferénsa

Valoriza nha perténsa

Da y rasebe

Trabadja pa prugrésu

Pratika umildadi

Omenta dignidadi

Nha povu ta ruspeta-m

Y ta kunpriba nha dever”.

 ”

 

Marsu di 2021.